just some small thing...but content

忙完１輪, 趁再忙之前update吓自己, brake 1 brake.
今日放假, 美好嘅假期由噚日收早後開始. 放工後返奶奶家食飯, 好耐冇返, 飯後同'家姐'閑閑的傾咗陣近况, 佢真關心我倆, 慶幸同佢家人温暖而難得的關係. 而前日母弟亦來我處吃飯, 自嫁後, 多數同屋企人出街食, 就好耐冇食媽咪美味嘅餸菜. 現我們決定以後晚飯在多我家舉行, 多好. 這星期連續２日有住家飯食呢!! 飯後約了2個好耐冇見嘅好朋友飲嘢傾偈, 難得3劍俠得閒, 傾傾吓不知覺4點, 盡慶而歸!!
今日放假嘅食の旅由深水埗開始, 再食維記o架央多+潤面, um...yummy
然後再探動植物公園, 小朋友1樣, 咁就滿足, 好似我d friend話齋, 真係怪人! 此公園都有'參天大樹', 但冇香港公園咁人工化, 更平易近人, 除咗郊外, 係我心水公園, 可惜今次唔見箭豬同松鼠啊!
遲d12月始應該會忙到爆之餘, 仲冇得同佢一齊放咁多例假... 要儲定, 好好珍惜, 唔係1個唔留神就好似人哋咁無啦啦出事.
唔...今晚我哋又嚟最愛海鮮餐, 藉口慶祝我哋新開始. 好正o架! 煮咗魚蝦蟹, 全部勁新鮮好味, 搬咗嚟呢度, 勁有食神, 街市平靚正. 幸福. 至於今晚嘅酒, 由朋友贈, 97年WoLf BLaSs, 個cOrd都浸到霉咗, d酒1陣水松味, 我就唔識欣賞; 佢話枝酒好勁莓味, 不過我就覺得飲完唔口渴, 陣味仲喺口留好耐, 幾好! 馴喎?!
家人, 朋友, 家庭, 美酒美食, 仲有新開始, 夫復何求? 而呢幾日睇緊本書, 希望對己有轉變. 仲希望遲d借埋俾friend睇, 嚟! 1齊嚟啦! 加油!

特異地方

エ作多年, 未見過大部份人都背着伴侶狂追女, 什至婚外情.
是他/她們特別坦白? 還是特別變態?

豪情!!

師傅卒之結婚la 話唔結又結 女人
嗰晚10幾圍 大部份係朋友 勁嘈 好開心 似聚會多過結婚 尤其佢之前做過嘅"衫" 簡直好似墟 加埋個識攪氣氛嘅影相佬 叫人嗌埋口號 好似台慶
婚宴由頭到尾 新娘都係攪笑囉 註冊時新娘話 我 X X X 願嫁你 呀 唔係(大聲地) WAhaHa... 禮成 我大嗌一聲許太 凳佢2個高興
連影相都唔正經 坐大脾 揸胸 托胸 wow 豪情新娘 2個1D都唔緊張
新娘全程周圍走 撩人影相 飲嘢 新郎靜雞雞坐低食嘢 但合照又一齊發揮開心果本色 好襯 好warm
敬酒時播Chihuahua 係得嘅
祝幸福快樂 希望快d睇到相
另外婚宴同枱都係舊世界嘅人 好耐冇見 好親切
其中 2個阿媽都照顧個仔食嘢 陪玩 氹影相 自己都唔得閒食啊 冇晒自己 同朋友 可憐
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
雖然今日係無啦啦安排嘅AL 但咁啱d人蒲頭 啱晒
噚日有潛水隊小頭目 金魚仔 佢好耐冇傾心事 加油 堅强
今日有菠菜蓮 又係要 + + 油 你對人 對事 有新睇法 尤其情事 恭喜晒 你快樂就是我快樂
最SUPRiSE係潛水隊資深隊長阿力士 卒之見工 油夠啦 祝成功
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
極權者暴行 萬二分令人痛恨 可憐的人民....點解....點解....點解....

中秋快樂

我哋條神仙魚 :)

同母親大人及細佬食完飯, 依家每個禮拜都同佢哋食餐飯, 連內向嘅細佬都肯, 成2年啦, 雖然通常都係冇咩講, 但都開心ga, 以前諗都未諗過可以咁融洽, d嘢真係冇得逼, 要嚟就嚟, 希望你哋都身體健康, 唔駛憂!

相反, 同honey嗰邊就咁多年都幾好, 噚晚1家大細10人(!)喺屋企食, 畢嬲都大棚人, 好熱鬧0架!

陣間等埋佢收工1齊曬月光 :) 不過好多雲噢...

呢個中秋係好正常嘅秋天天氣, 明顯轉涼, 好舒服! 好應節呀!

繼faCebOok, 呢排勁煲 SK@ nOkia, 超正!!! 尤其"十二金釵" hOt!! 最好狀態返晒嚟!! 好感動! 不過misS 咗睇唔到現場, 要等下年, 好耐呀 @__@ SK上咗陳生度tea!! 點解...點解...唔係我 @~@

老友!

小病是福, feel到嘛? 俾個signal你, 過咗火啦, 要take care吓自己, 同留意吓身邊嘅親人, 朋友, 唔好攪到大大鑊呀. 不過就算小病都幾annoying. taKe CaRe!

失戀可以令自己知自已有咩唔好， 咩人啱/唔啱自己.
理d愛錫你嘅人啦, 人渣唔駛埋噃.

老友, 你心疼阿媽, 我哋都心疼你.

長處: 你哩埋咗0係邊??

噚日攞咗個新袋出街, 由購物狂-阿屯門細契所贈, 好型! 多曬!
買番d咩俾佢好? 不過上次話俾番d嘢阿紙紥, 最終都係擺埋1邊...

又生日

又到咗1年中最多人生日嘅2個月啦! Kaman, JeRry, RicKy, raNee, miCky, fiOna, 馬文駒, muSSy, mOm, 老爺等等, 冇停過. 生日快樂! 身體健康!

今晚同老爺慶祝生日, 2圍人廿幾人喺海洋漁港食飯, 勁熱鬧, 成班人1排冇見, 大大細細1齊又1晚! d嘢食唔錯噃! 馬文駒仲係咁細粒, 仲話中一喎! 遲早俾董妹妹高過佢! 人大個仔咗, 個鼻大咗, 陳氏特徵, 好攪笑! 臘筆小生都大個仔lu! 仲係'嘴蕉蕉', 好有攪笑氣質! 董駿傑高咗, 2個都再唔係我識佢哋嘅時侯嘅'仔', 係'男仔'lu! time fLies...

下畫同阿媽去勝香園食'茄大腸通', 佢d'腸仔'好大塊, 切片, 直徑都有成3寸! 好有咬口, 好好食, 但今日d湯比平時酸, 仲冇咁香, 攪咩呀? 今日鬼咁熱, 但仲係鬼咁多人去搭住枱, 吹住牛角扇食佢哋d嘢, 嗰度セ人都有, 有錢人, 藍領, 後生型人同老人家, 阿媽同豆, 迫埋喺嗰幾枱, '好嘢'點都有人食, 我公司附近嘅大排檔, 我d同事就唔去嗱! 之後同阿媽去咗嗰頭嘅人氣時裝店, 爭d又忍唔到手大出血, 不過約咗SinKi, bOwie聽日去, 預計會殺個片甲不留 ><'''

gm再問去向, 其實今年2次加人工都有份, 雖然2次都係加少少, 夾埋都ok啦, 算係咁, 以前嗰度都冇啦, 我都叫有dd利用價值, 又肯笠我高帽, 啱聽吖嘛, 依家需要認同, 不過最好就係"得咗", 就開心死.

中秋就到, 同hOney買咗2個燈籠, 有個係傳統玻璃紙造嘅魚仔, 仲有分神仙魚, 金魚同錦鯉, 買咗條神仙魚, 係着燈唔係點臘燭o架! 仲買咗楊桃插臘燭嘅, 2個都好靚.

ThanKs aLL of U!!

Got the caLLs from bi, ELva, boWie...... caring about my reSuLt
but that's postpOned, that's GoOd! haVe moRe time to prepaRe!
ThanKs aLL my FriEnd!!

ha! the JapaneSe neighbOur not onLy liVe Opposite to me, aLso woRking opp. to me! she's a haiR styList! let's cut hair by Her neXt time.

biRthDay dinNeR

dRunk again... hapPy niGht
celaBrate 1 of my beSt fd birthDay whiCh misseD laSt wK... pOor...
enJoyed a nighT w/fd eVen jUst chatting
wOnder why aLL my fd beLieve mYseLf but I'm not???
tHanKs all Of u n wiSh U all SuCces in neW joB
LoVe u aLL

8.27

謝李噚日last day, 今日喺office見佢個名牌, 做咁耐一間公司都要走啦, 淨番個牌. 喺公司又少個chinese傾偈, 又少條友仔攪吓笑
:(
祝你新開始更更更好!

另外, 噚日一早返工同阿㗎妹鄰居吹水, 幾nice, 已經喺日本學咗幾年廣東話,

eLVa!!! 生日快樂!! 祝快d揾到個黑馬皇子! + 喺泰好好發揮, 再上一層

大地之母

曲: Vicki Benchert
詞: 黃偉文

我愛你 送予你一日所需 我愛你
不惜犧牲將身體亦相許 我愛你
竟會令體弱色衰 我愛你
最好跟最美 給你任意支取
若我死掉以後你靠誰?
他日你亦將跟隨 如天生一對

若我倒下 萬里無花
羞花閉月 一語成懺嗎 若我倒下
萬里無花 荒土滿目 不可悲嗎

你對我的暗示裝做不知 你對我永不知節制 需索沒有休止
就算今日覺悟也太遲 忍耐原來有盡時 補救 也不可以

若我倒下 萬里無花 想想以後 多麼可怕

影影相

有陣子沒影相, 很想四周隨意走走, 留低風景, 這地方的景物轉得快.
見灣仔街市租戶掛橫額, 不願搬遷往新街市. 很傷感, 很不想政府攪佢. 同很多友人提起, 大家都覺得, 這麼有風格的建築, 不要更改什麼, 全香港還找到另一幢一樣風格嗎? 可不可以, 給香港人, 給青年人, 留些東西?
香港不悶, 唔需要起d又高又大又核突但以為好型嘅建築物. 我們有天星, 藍、綠屋, 灣仔街市, 西貢郊區, 藍巴海峽, 海下灣海岸公園...
讓香港成為一個有風格, 有文化, 走在前面的國際大城市?
睇吓我嘅香港

睇吓我嘅香港2

嘩! 艾力斯d黑氣經佢個blog嘅黑曜石編轉送埋嚟, 果然不負我倆'西黑病人'之名! 星期天已是我第３日１條友開檔, 點解改更冇人通傳o架! 揸fit人攪乜!!! 好彩係星期日! 鑊鑊人哋射波 大遲到 玩潛水 唔知改咗更都係我囉! 天降何大任於汝?

人形八達通

今早趕住返工, 地鉄入閘之際, 見個阿叔無啦啦趴落個閘度, 變身巨型八達通! 超樣衰! 唔係第一次o架啦. 上個禮拜同阿柯搭巴士, 見個4眼哥哥成個人勁貼個錢箱, 好似'裝'個錢箱咁, 點知佢係將胸前八達通壓埋sensor度, 好猥瑣呀 '_'
阿柯話佢哋扮型囉...

游完水, 撩起想浮潛條癮, 有個fd同我去! 快d夾夾個day off先! 好exciting!

下水禮

8號7週年, 等到今日一齊放假!
午飯後去下長沙游水, 曬太陽. 雖長途, 巴士又焗, 但那兒只有屋仔, 士多及少量餐廳, 冇遊客味, 人不多, 很relax. 早前不斷下大雨, 一直沒有好日子游水, 今天藍天白雲, 給第7年一個很好的開始, 兼一掃憂鬱感.
之後喺那兒的餐廳嘆啤酒及先來一點頭盤, 熱烘烘的面包+自制dipping, salad, grilled vegetables 同美味的烤沙甸. 再去大澳吃海鮮, 很平宜, 味道當然不錯, 但吃不到那裏出名的九節蝦:( Weekday晚上的大澳靜得很, 和旺角一樣的假日差遠了

p.s.好down, 想曬一曬對光管, 攪咗幾粒鐘都冇料到, 仲白過防曬油高多倍嘅上半身, 超無奈.

睇報紙話狗狗都有精神病?! 話佢哋通常因為近親繁殖或訓練不當(常打佢哋或太縱容)而成. 有得醫o架! 狗狗同人類嘅病差唔多嘅? 佢哋仲可以好似人咁捐血! 好有趣!
訓 練 失 當 狗 隻 患 精 神 病

全 港 首 個 動 物 捐 血 資 料 庫 成 立 籲 帶 犬 捐 血 救 狗 命

好悶

睇完小弟個blog, 令想轉工的我, 停一停, 諗一諗, 如肯犧牲點收入, 有什麼工作是我應做? 想做? 有咩生活我該過?
多年每天營營役役, 為生活, 至死方休?
想讀書進修而不為工作, 學位;
24小時不夠工作飲食作息家庭親朋思想進修; 要留些時間看書, 放棄無謂電視劇.

小弟個blog

 

阿瓜新資

自集團總廚來後, 日廚同事轉咗衫, 白色的, 佢哋着咗好似餅師咁... 仲要掛名牌, 各人改咗英文名, 唔慣又攪笑! 小明=BoScO!! 全全=Leo!! 阿剛=ALex!! BOsCo!! Ha Ha Ha!!!

阿紥又攪嘢! 新嚟2個青春玉女, kawai nei! 佢又學人將頭髮挽起, 有一半好似噴泉咁瀉出嚟, 但佢Ｄ頭髮乾爭爭, 好似乞兒, 加埋烈焰紅唇, 驚嚇度10分, 佢有12分呀! 日日係咁, 超難頂!

香港種族歧視事件

今晚個local同事問我攞1樣嘢, 臨講完之時, 正值知M埋嚟, 見我哋2人, 叫我哋講英文! O 曬! 我哋front line係'阿爾蓋達'同'賓'多, 但佢哋可以講鄉下話, 我哋就要講英門. 佢哋勢大, 我哋係少數民族, 唔使咁呀?

P.S. 友人在巴黎生活深受種族歧視之苦, 說港人其實真nice, 不論人種, 能者居之; 港人反被其他人蝦!

阿紮嚟啦!

講咗好耐要提嘅阿紮卒之出場! 呢排唔知攪乜係咁送嘢比我哋, R, B, C都收到佢送嘅香水化妝品版仔, 之前問我鍾唔鍾意paul & joe, 已經reject佢, 噚日送支粉俾我! 好驚啊! 連包裝都好驚, 有佢d指甲裝飾喺盒上面! 收咗唔知會點! 聽日俾返佢!
(p.s. 阿紮係一個由內在到外在都怪嘅人, 常帶俾我哋歡樂嘅氣氛, 但嚟揾我嘅人要小心嚇親, 我表妹係其一)

faRweLL wu's

胡氏一家移民英國, 歡送派對於6月23於爵悅庭會所舉行. 大人小孩各十多人, 熱鬧到爆.
會所宴會廳就似酒店, 代訂的食物亦不錯. 其實嗰晚主要係聚舊+歡送, 好多人好耐冇見, 主人家胡氏四口(阿妹瘦哂), john john(健碩咗), wendy+譚太(仍然咁可愛), 華哥, Hailey, Dereck, 仲有掛到死嘅Pertha+囡囡心心.
一個二個酒鬼, 梗有好多酒la, 紅 白 香檳都有! 幾happy! 最衰第二日返工, 如果唔係跟佢哋上windy屋企再劈過... :(
好開心小朋友收到我d禮物仔開開心心, 但收工趕得滯, 買溜心心的(sOrry). 好耐冇見心心, 已經3歲, 肥嘟嘟, 周圍走, d哥哥仔姐姐仔好錫佢. PeRtha, 有個咁cutie嘅囡囡, 開心d!!!
10點半就俾人勒令清場...我返歸, 佢哋上windy家繼續. 唔知幾時先再見? 祝胡家四口, 幸福快樂, Jason, Janis, 快高長大, 相親相愛.

吓!

一排無見個炒蛋, 鏟skin head返嚟, 好爽喎!
但佢話, 去完跑步返屋企沖涼, 個頭皮好疼,發覺曬傷咗,曬傷個頭!! 我叫佢擦太陽油, 佢話好似擦頭臘未臘頭, 超難頂!! 咦!? 你又知...

haPPy 30something

生日快樂! 謝謝你的一切. 將踏入7年, 但願人長久

rEViews

we haVe moveD to yamatei almOst 2 monthS, eVerythiNG are very nice here, i have mORe time to Gather with friends & famiLy; aLso foR mySeLf.

a very nice birthday this year, honey 'half make' a chocOLate cake for me, that's rEaLLY niCe & waRm. And then v haD a reLax day whiCh i reALLy enJoyed

1 and haLf yeaR is coming very soon, i'm sO eaGeR to have a new job, hope my friendS and i Can geT a joB we want verY sOOn. on the other hand, congratulations to leonard, phoebe, andy, eddie....you guys promoted!

炒車

邊有咁黑咁見工遇着炒車!
今早見工, 雷暴警告。難得遇到的士, 應該可以早到。當車在紅綠燈前等候時,突然砰一聲, 的士衝前, 撞向前面的'賓士', 未扣好安全帶的我撞向前座, 幸無大礙, 原來後面的6A撞過來。'新手'師奶司機, 手足無措。咁鬼黑, 工也不想見！下車後, 定一定神, 電'陳先生'及見工的地方。生平第一次炒車, 嚇親。

驚喜

難得孖假, 好享受。可以見吓朋友同屋企人, 仲有時間hea, 幾時先有5日工作:-(
2日假收穫有, 俾咗自己一個suprise, 係一棵羅漢松。喺花墟閒逛, 好開心啦! 諗住搵盤薄荷什麼的放新居, 點知—見棵嘢, 繞成半個花墟仲覺得靚喎, 咪買囉。做咁多年人, 你又有冇送過衫褲鞋襪電玩以外嘅驚喜俾自己?

給你/你/你:

人生是公平的嗎?

倪匡上電台節目說,人生好難公平,所以好人未必有好報,惡人不一定有惡報。
左丁山引述多年來處理過許多法律文件、商業談判、收購等商業活動的一位律師的話說,「多數係奸人發達,老實人乞食嘅。」
所謂「善有善報,惡有惡報」,似乎並非真理。雖然下面有一句「若然不報,時辰未到」,但時辰甚麼時候才到呢?可能終生不到。
「上帝真的是公平的嗎?」美國—個兒童專欄的主持人庫斯特常被問到這問題。有一天,他去參加一個婚禮,新郎新娘過於緊張,兩人把戒指錯戴到對方的右手上,牧師見到後就笑着說:「右手已經夠完美了,我想你們還是用它來裝扮一下左手吧。」庫斯特頓有所悟,他於是回信給一個質疑上帝是否公平的女孩子:上帝讓右手成右手,就是對右手的最高獎賞; 同樣,上帝成為好孩子,就是對你最高獎賞。這封回信很快被美國、歐洲一千多家報刋轉載,每年兒童節還會被重新刋載一次。
上帝讓好人成為好人,就是對好人最高獎賞。同樣,上帝讓惡人成為惡人,就是對惡人的懲罰。但是,實質的獎賞與懲罰是甚麼?難道「奸人發達」就是懲罰,「老實人乞食」就是獎賞嗎?
「老實人乞食」,如果活得心安理得,活得自然自在,活得「半夜敲門也不驚」,難道不是最高的獎賞?壞人活得心虧,活得不安寧,心中常常縈繞着被自己害死、害慘了的人的陰魂「半夜敲門即心驚」,難道不是對他們的懲罰?
上帝是公平的。人生但求心之所安,何必對「奸人發達」耿耿於懷?其實,在一個法治完整經濟不差的文明社會,老實人也許不易「發達」,但恐怕也不致於「乞食」。讓「奸人發達」去吧,我自擁上帝的獎賞,繼續做「老實人」。
(轉載自蘋果日報 李怡-人生小語)