輕鬆無聊在天際

第一次去唔識嘅地方cross training啲識嘅嘢

今日8度~~~~~ 唔知聖誕咩天氣呢^^

不過當堂對機場交通瞭解好多

呢個星期收7點 比平時遲點去睇寶貝呢

佢識行 依家成日唔知點解不停周圍行 搞笑

今個禮拜又好busy XDDD

o尋日二人邊爐 今晚好友飲飲 聽晚公司party

然後對住小b 2日

天天節目豐富~

呼吸

不出幾日 又找朋友食飯

最近都不想自己返老爺家食飯 回去只因看寶貝

匆匆充飢 即投入弄兒為樂 昨天什至想奪門而出

好友常說我支持佢哋 反之我十分開心有你哋對我的過譽

聽得多都希望那天快點來臨 亦渴望可好好試試嚮往嘅工作

好友女人想法正確 不過我只想當好日子來時才考慮吧

期望快點看到各好友最美滿那一天和你們最豐盛的時光

飯後好好在家看本書聽聽歌 真沒話說...

我唔係香港人?!

o尋日同好友飲嘢 好耐無試過以前咁咁夜

好彩小b準時瞓覺先可以放心吹水到深夜^^

已經係媽媽 仲係咁 真係自己都頂自己唔順

所以好友們都話我係佢哋身邊唯一結婚生仔後無變不嘅朋友

亦不只一次有外地人話

可能因為咁先有快樂而活在現實嘅我??

不過我鍾意 雖然忙到癲...

一直都享受與家人朋友一齊嘅時光

不過依家當難得同友人一起 嗰種放鬆 享受嘅感覺更深刻

再三四圍向朋友提出

如果將來我迷失於做人阿媽變了記得要提醒我

好久之前 已睇到李純恩下面的文章

一直都非常同意佢嘅觀點 亦提醒自己

且一直認為做人無得揀 點解唔開心啲

(唔明點解有啲人日日咁多嘢燥 自己同自己過唔去)

生小孩出嚟 佢都無得揀

最近對嗰啲催谷型父母嘅不解更深

佢哋嘅家庭成員唔會有人覺得嗰啲係happy hours o卦

點解要生佢哋出嚟互相折磨???

依家生唔生完全係自己話事o架啦 (傳統有錢家庭除外)

況且想他/她 他日成龍 都要先看看出自咩種吧

我只望你開心快樂做個叻嘅好人 (唔叻都無辦法啦 種嘅問題嘛)

做個通達父母(轉載自 李純恩@apple daily)

 

可惡事件

早2日機塲旅巴車禍 新聞話專家建議
可裝更高防撞欄 因欄本身為私家車而設(?)
但机管局話設施按路政署規要求同指引所設
机塲用喎!! 究竟係机管局定路政署揸流灘
很怀疑這個是回應? 定係未知有此建議?
就算未知 係咪應檢討有冇改善空間
係咪又要等有人死先認真去諗
政府除少做少錯以外 係咪要先天下之憂而憂?
況且現世做得少已俾市民嘈爆 點解唔主動做多d?
這些態度不只討厭 簡直憤怒

就似那天同友討論堆填區
友說環保人士太慨不設實際 如不填有何方案
另她說法國焚化爐不在邊疆
而那邊噴出的更不是黑煙而是水蒸氣
不過我們認為可能造價/營運以億計
我可覺港府一是不知 一是不做
佢哋無提更好方案 只一味叫人接受堆填
加上各事件如保育等 顯示港府只在港人有大反對才做事
不嘈有用嗎?
今天政府還提出或對家用垃圾收費
收後又會否用億元作此等設施用? 而那數百億盈餘有何用?

澳門SK行

o尋日去睇SK演唱會 順便可到好耐無去嘅澳門一趟 佢啲歌聲魅力真係令我瘋得由香港去澳門 每次都不願錯過 不過因為遲買飛所以雖然可以同表妹一齊去 但就要自己坐喎 照去!! 不過去前真係幾擔心 唔知佢表現好唔好 會唔會好似上次咁hea 如果係會好心痛嘥咗佢 本來諗住去澳門前行埋山 都係好耐無行 可惜天氣報告話落雨 無得去 :( 如果唔係就perfect! 朝早一起身 天氣不太好 灰灰的天 都好彩睇完show走人先落雨 到埗仍然可以四周走走 澳門轉變很多 到處有很多地盤 以前大學嗰頭都無乜人同車 但0尋晚可能仲係國慶假期 又多咗好多賭場 所以路上人車非常繁忙 市政廳嗰邊更加人頭湧湧 感覺不再休閑 雖然係咁 但由碼頭沿途出去 仲有好多吉舖 仍然喜歡澳門同香港不同 佢哋仲有好多香港無咗好耐 有味道嘅舊建築...木窗...矮矮嘅樓大部分樓都有露台 現在也只有澳門仲容納到一啲特色手作 希望佢哋可以盡量維持 喺繁忙的'賣草地街'旁 在一個不起眼 有點破落的店內 有一個自信伯伯售賣手製木窗格 好有味道 當然有意思嘅嘢會有咁上下價錢 一隻長形普通尺寸$1800 一隻方形的過萬噢 希望有機會裝修新居可以到那邊盡情搜索一下獨特而實用嘅裝飾 食方面 只到了同行友人介紹嘅本地小菜海鮮舖煥記 海鮮做得很好 嗰個油鹽焗腌仔蟹同豉油皇白飯魚一絕 蟹黃很香 白飯魚煙仞得俾店員叫'倆公婆'!! 可惜去咗義X同瑪X烈都飲唔到以往常在澳門飲到嘅好味奶茶 :( 匆匆游走一回 卒之開show 演唱會由'幻影'開始!! good voice!! 然後'情人' 同埋張靚穎嘅'畫心' 3歌過後先講嘢 好開心SK話呢個concert係佢同我哋嘅gathering~ 而嗰晚嘅歌都係啲佢自己好鍾意嘅歌 大部分都係人哋嘅 有: '明知故犯' '這是愛' '失樂園'(!!) '藍月亮'L0L '夢伴' '天規' '叛逆漢子' 'Dela' '夜迷宮' '午夜狂奔' '關於我' '山水' '眾生花' 'Imagine (MV)' '地盡頭' '忘記他' '假的戀愛' '一首獨唱的歌' '人生可有知己' '只得一次' '難得有情人' '繢綣星光下' '我願意' 'You are not Alone' '我為何讓你走' 差唔多首首都係我依家或者以前好鍾意嘅 0尋晚佢有充分準備 揮灑自如 ^^ 最驚喜係有'藍月亮' '我願意'同'我為何讓你走' '藍月亮'shirley version成日喺網聽 卒之聽咗現場喇 super!! '我為何讓你走' perfect! 可惜近期至愛'地盡頭'唱得有力咗啲 我鍾意cd內就死嗰種唱法 :P 期望SK下次表演 btw, i miSs yOur vOice already...

活著

第一次收到朋友送嘅書 比收到其他貴重嘅禮物開心得多

呢個朋友因為係我嘅trainee而大家相知起嚟 係一件美事


而我亦真係鍾意呢本書

佢裡面就係真真實實的我所心痛嘅時代嘅各種現象

看完後 仍心痛曾經有一個咁嘅時代 不解點會有咁悲哀嘅時代


已經很耐無睇完一本書 為咗對得住朋友嘅美意

同時更不想每日只係衣食住行同湊仔

因此對自己說要每日睇半小時書

好高興以我的'高速'睇完佢 現正重溫龍應台的 孩子你慢慢來

真好 謝謝妳嘅書 ^^

葉青霖講書

今日睇到葉青霖講一本好有趣, 有機會搵嚟睇睇!

葉青霖 -《不藥而治-以快樂戰勝絕症》

wiSh me good LuCk...

try my beSt!

And had a niCe taLk with almost soul mate

10.10.10.10.10.10.10.10.10

10yearS!

yum Cha wi+h siU b

anD theN 1st time Had camp with friendS after wORk

wONDerfuL!!!

m@y us have many many happy yearS with siu b

21之後

同事說'姐姐'看著電視說

我們這些人怎麼這麼難搞 20多年的事記來作甚

可是點解人們又要記住南京大屠殺, 世界大戰, 釣魚台???

如果佢哋係你親朋好友 你又豈會忘記???

到今天 聽著聽著 看著看著 仍激動 仍想哭

我唔同意同事話佢哋由內地嚟就係咁

我認為係個人同社會觀念

真心慶幸生在香港

否則我亦難保不是佢哋一份子

自由得來不易

想想沒有自由之時 已令人頭皮發麻

又豈敢輕易放棄

不'出來' 佢哋就認為我哋忘記了

可是我相信 記得的人一定多過15萬

21

21年前這一天 青澀的我 無政治立場同觀念

本來與其他民安隊員開開心心行山

享受緊行山去camp 罕有離家嘅樂趣

喺空空的山上 透過收音機

卻感受了這一生第一次對世事這麼痛心

21年後 已忘了當時在哪裡的山

卻忘不了那感覺 仍然心痛

me

今早同事問我: 會唔會帶小b去公司聯店燒烤

口快快話: 梗係唔會啦 咁煩

同事: 哈 呢個阿媽o丫

我: 我係阿媽啫 我都係我呀 ^^

不過我認為佢依家1歲都未夠 佢都未識enjoy呢啲活動啦

正如我會等佢大個啲

識珍惜時先會買生日蛋糕同帶佢去海洋公園等


仲有 好耐無見嘅菠菜蓮

前晚去咗佢新居食飯加hea

買咗支lite 8嘅sake 飯都未食就先飲

搞到wing咗XDD 支酒都無飲哂

太耐無飲同無同佢吹成晚水喇

仲一嚟就隔日一次 一嚟三晚

做咗阿媽都仲得 真爽

希望唔好淨係crazy 2 / crazy 4 之前得啦

話時話 北角嗰頭估唔到又幾抵住喎

好好住㗎 又係畢嬲都鍾意嘅香港區 冇咁雜校網又好

仲有咁多best buddies 住呢頭添 ^ ^

係返老爺奶奶度遠d

噚晚同b傾 佢仲ok同媽一齊住添!! ^^

upgraDing....upGrading....upgrading...

有人話 女人因為夏娃而要受生育之苦

可能係嘅 但事有2面

有人覺得懷孕期間係幸福

而我 覺得係現在

現在嘅我俾以前嘅我更強 更開心

是獨一無異而幸福嘅體驗

好可惜有啲人真係無咁嘅感覺

可惜在無咁嘅命運

不過呢啲都唔係可以預計

咁一世人有咩令男人覺得幸福嘅呢

如果一個人無體會過幸福嘅感覺

會唔會枉為人呢

haha

爭啲miSs咗'他來自非洲'

睇得一次得一次

希望長睇長有 加油 diva!!!

生命中不能承受的friend

承'新香蕉'o尋晚題目

本來對我 只有嗰啲對好朋友都'小人'嘅人就係我所不能承受

但就喺o尋晚 佢已經係喺我生日以嚟第n次contact我

同好友'女人'講 唯一開心係有人鍾意自己好多年後

仲記得自己2decades @_@

但係咁多喇 為咩呢 奇怪的人

@ngeLS

when i'm watching your smiLes & mOvements

i'm loOking at anGeL

n it's amaZing that anGeL was from my beLLy...

(at that moment, i rememBer there's many angeLs in my life

inCLuding ALL frienDs & familieS)

hOw would you be?

wiLL U happy? WiLL U healThy?

i'll hurt if UR not CLose to me in future :(



Can't imagine hOw OtherS can cruel to their angeLs

:( R.I.P.



i had 1 of the happieSt b'day in life ^^

行雷

早幾日瞓瞓吓行雷 好多下又好大聲

即時諗起上年落雨行雷時

摸住個肚同你講 依家行雷 落大雨喇

跟住就諗你會唔會嚇醒呢?? 好彩你無 : ]

開心

如果我係樂觀 咁好友貓就係極悲觀

早幾日臨瞓前同佢傾電話 可惜又係不歡而散

有啲怕打俾佢 所有可以講嘅都講過 講得又白

好怕會接到我接受唔到嘅來電

接唔到來電又擔心

人生在世 每個人都有佢哋嘅喜怒哀樂

是喜是悲 在乎信念

生於香港 真係已經非常幸福的一群 是嗎

我唔知係佢真係認為佢每件事都係只有唔好一面

定佢知道有啲好 只係淨識講唔好嗰面

頭頂有片瓦 都比只有天好吧

日本啲後生仔連屋都租唔起 只有喺網吧棲身 用網吧嘅地址通訊

五觀四肢健全 亦不錯

得知佢終於搵到份pt 真的好高興 亦鬆口氣

我都認為做f&b樓面非常辛苦 我試過都以後唔做

但唔等於 無好過有呀 係就唔應該做啦

唯有好天斬埋落雨柴 不是嗎?

既然依家靜就逼自己收工後喺附近行個圈

睇吓有冇啲輕鬆啲嘅 好似喺書局 電器舖咁 邊搵長工

咁未有長工都舒服啲先啦

點解真係有人要常常同自己過唔去??? 淨係諗呢樣嗰樣唔好

如果 '未來'無得變 諗好嘢起碼自己好過啲

諗得多唔好又唔會變好 反而有人認為成日諗住好嘢會實現

如果唔係 不如認命 往前走 邊等下個光明

依家唔係已經比以前好啲 光啲喇咩

請你幫吓自己!!!

我真係希望你有輕鬆自在嘅人生...

難得

難得 同好友們唱k 行街 傾心事 天南地北 真開心



好友女人話我們真難得

真的 好快就10年 每次想起都興奮 我諗你都係

想過 如果其中一個不在 那種痛 不過還是算吧

女人話齋 欣然接受噢

我會加強信念的 我有感恩嘅心

常覺得如果有天 祂待我很好呀

我哋都要好好令自己 食玩瞓都得噢



亦好開心 女人很勇

相信你會有個好好嘅 因為你知自己要乜

不過我好貪心 我希望個個朋友都有個好好嘅

不過另一好友不太好 下回分解

babies power = i caught a laugh that i didn't ever seen in 20+ years

^^

好耐冇見~

小b出世後 一直都冇乜寫過嘢 好忙呢

但係個人係有好多感受想share吓

好似前排又有消防員殉職!!!

真係好可惜... 人命係最寶貴 點解呢???

政府可唔可以為佢哋呢啲用生命去保護拯救其他人嘅消防員

用最多嘅能力去添置更安全嘅裝備

有關部門可唔可以盡快改善同落實盡量完美嘅消防同各類安全條例???

香港一直係福地 無世界其他地方嘅各種天災

但係呢幾年嚟睇到嘅人禍 很令人傷心


嗰個消防員可以葬喺浩園係好光榮 但係咁咪唔可以同另一半葬埋一齊

~~~~~~~~~~~~~~~~~~~~~~~~~~~~~~~~
一直唔明點解搵啱嘅骨髓咁難 要捐骨髓 原來...

早前facebook收到捐骨髓嘅消息 先諗起終於可以去做啦

上年想做時剛有咗小b

記得嗰陣samantha話不如同gm提議俾日假捐嘅同事

幾好o丫 希望可以鼓勵多啲人去做 可以幫到人嘛

咁捐骨髓英文係咩呢...

有冇人有興呀 有就call我一齊登記啦

~~~~~~~~~~~~~~~~~~~~~~~~~~~~~~~~
呢排幾開心o丫 生bb之前 我自己同啲好朋友完全冇諗過

我會有抑鬱囉 大b察覺到 帶我去睇醫生

返咗工 再加埋一有時間就要同honey或者朋友出吓街

好得快好多ga ^^

suprise!! amazing life

o尋日磅咗重 你已經 10磅 太好了

你發現自己有口有脷 所以你成日伸脷

有腳 - 成日將2腳互捽

又揩眼又揩面

原來當佢由初頭乜都唔識到佢識呢啲o野嘅時後 係真係幾開心!!

尤其佢對住我笑或者講o野時