.....

好耐冇入元朗 噚日一下車不久
往掃街時 望見一個人
下兩秒便認得那是911時希望能讓他死去那人
佢真係喱咗入元朗
一邊無意式地追蹤住佢嘅去向
一邊用pok街仔嚟形容佢
當下亦即時留意自己嘅心跳 是平靜的
真奇怪 是事過境遷吧
同行友人問點解唔追 可我認為追佢都唔會還啦
事後另一好友說是整定吧
如果當時同佢哋嗰d行動型友人一齊時
結局可能不一樣
多年前的恩怨就咁結束
是個好時候 生日同錫禧前弄清
不用再偶然一閃入腦海
攪不清的夢魘般
可幸當時的我無穿無爛 四四正正
仲開開心心同朋友一齊
佢仲係咁大份

一場好戲

早前睇咗取了多國電影獎項的 "送行者：禮儀師的樂章"
一直想寫下來 但太忙 依家寫雖然遲
但好多人睇咗就冇前排寫咁披露晒啲劇情
這戲真的很好睇 近年難得
一直對日本片很信任
佢慢 但唔似韓國片咁慢
且有內容 有內涵
不太煽情 又寫實 很令人感觸又感動
且分享一下我的雜想

點火的阿伯說得對 死並非終結 而是一道門 過咗o個道門 人就去到另一個世界

人生的轉變 往往突如其來 意料之外
回望自己的遭遇 當初也是慢慢的漫不經心的經過
卻是人生大大的轉捩點
大悟30多歲先發覺自己一直以為的理想 不如想像
什至並不擅長 真是一大打擊

現代人溝通不好 就算親如夫妻
我常話家人冇得揀 但伴侶是'過人世的一個'
是否更應該溝通到呢
大悟妻子每次以為自己可以 其實每次都很傷心
但仍表現笑着面對 最後爆煲
究竟是支持還是什麼
而為夫的亦隱瞞直至爆煲

人都自私噢
太太離開是為了自己面子 而回來非主因愛
只因有了小孩 亦為自己不用做單親媽媽吧?!
嘗試用小孩令丈夫屈服
這行為很中國人以為的中國人
當我聽到友人的外國'奶奶'之行為
令我明白人的行為其實只是大致上可分國藉
但好多我哋以為'中國人'的性格
都會喺其他國藉嘅人身上出現

變性人爸爸 到子死後才發覺
兒子無論咩樣 鍾意同性定異性 信咩宗教
都係自己個仔 無礙你與我有血緣的事實
咁生前的爭執仲有咩意義??
且非因佢係你後輩就可以為所欲為
事發之突然
返唔到轉頭就令人冇得後悔
什至一世留下不可磨滅的遺憾...

人的愚昧無分國界 是一體化?!
大悟少時好友 大悟太太同死者家屬均認為納棺者低賤
只因大部份害群之馬令人誤解
為什麼人不體諒人 而要自以為是??
要踩低別人抬高自己?
要標籤? 要先入為主??

孫兒笑別婆婆 想起少年時第一次親人離世
是我最愛的婆婆 是最疼愛我的婆婆
可能當中經過一段時間 預定了
涼薄的我並沒有哭...
不過每年都會去看看她 就算該已轉世...
怪胎的我對光影世界動淚腺
現實世界卻只對可憐可悲或愛意的事如此

相信很多人對此片都各自有所體會
希望大家將感覺持續