影影相

有陣子沒影相, 很想四周隨意走走, 留低風景, 這地方的景物轉得快.
見灣仔街市租戶掛橫額, 不願搬遷往新街市. 很傷感, 很不想政府攪佢. 同很多友人提起, 大家都覺得, 這麼有風格的建築, 不要更改什麼, 全香港還找到另一幢一樣風格嗎? 可不可以, 給香港人, 給青年人, 留些東西?
香港不悶, 唔需要起d又高又大又核突但以為好型嘅建築物. 我們有天星, 藍、綠屋, 灣仔街市, 西貢郊區, 藍巴海峽, 海下灣海岸公園...
讓香港成為一個有風格, 有文化, 走在前面的國際大城市?
睇吓我嘅香港

睇吓我嘅香港2

嘩! 艾力斯d黑氣經佢個blog嘅黑曜石編轉送埋嚟, 果然不負我倆'西黑病人'之名! 星期天已是我第３日１條友開檔, 點解改更冇人通傳o架! 揸fit人攪乜!!! 好彩係星期日! 鑊鑊人哋射波 大遲到 玩潛水 唔知改咗更都係我囉! 天降何大任於汝?

人形八達通

今早趕住返工, 地鉄入閘之際, 見個阿叔無啦啦趴落個閘度, 變身巨型八達通! 超樣衰! 唔係第一次o架啦. 上個禮拜同阿柯搭巴士, 見個4眼哥哥成個人勁貼個錢箱, 好似'裝'個錢箱咁, 點知佢係將胸前八達通壓埋sensor度, 好猥瑣呀 '_'
阿柯話佢哋扮型囉...

游完水, 撩起想浮潛條癮, 有個fd同我去! 快d夾夾個day off先! 好exciting!

下水禮

8號7週年, 等到今日一齊放假!
午飯後去下長沙游水, 曬太陽. 雖長途, 巴士又焗, 但那兒只有屋仔, 士多及少量餐廳, 冇遊客味, 人不多, 很relax. 早前不斷下大雨, 一直沒有好日子游水, 今天藍天白雲, 給第7年一個很好的開始, 兼一掃憂鬱感.
之後喺那兒的餐廳嘆啤酒及先來一點頭盤, 熱烘烘的面包+自制dipping, salad, grilled vegetables 同美味的烤沙甸. 再去大澳吃海鮮, 很平宜, 味道當然不錯, 但吃不到那裏出名的九節蝦:( Weekday晚上的大澳靜得很, 和旺角一樣的假日差遠了

p.s.好down, 想曬一曬對光管, 攪咗幾粒鐘都冇料到, 仲白過防曬油高多倍嘅上半身, 超無奈.

睇報紙話狗狗都有精神病?! 話佢哋通常因為近親繁殖或訓練不當(常打佢哋或太縱容)而成. 有得醫o架! 狗狗同人類嘅病差唔多嘅? 佢哋仲可以好似人咁捐血! 好有趣!
訓 練 失 當 狗 隻 患 精 神 病

全 港 首 個 動 物 捐 血 資 料 庫 成 立 籲 帶 犬 捐 血 救 狗 命

好悶

睇完小弟個blog, 令想轉工的我, 停一停, 諗一諗, 如肯犧牲點收入, 有什麼工作是我應做? 想做? 有咩生活我該過?
多年每天營營役役, 為生活, 至死方休?
想讀書進修而不為工作, 學位;
24小時不夠工作飲食作息家庭親朋思想進修; 要留些時間看書, 放棄無謂電視劇.

小弟個blog

 

阿瓜新資

自集團總廚來後, 日廚同事轉咗衫, 白色的, 佢哋着咗好似餅師咁... 仲要掛名牌, 各人改咗英文名, 唔慣又攪笑! 小明=BoScO!! 全全=Leo!! 阿剛=ALex!! BOsCo!! Ha Ha Ha!!!

阿紥又攪嘢! 新嚟2個青春玉女, kawai nei! 佢又學人將頭髮挽起, 有一半好似噴泉咁瀉出嚟, 但佢Ｄ頭髮乾爭爭, 好似乞兒, 加埋烈焰紅唇, 驚嚇度10分, 佢有12分呀! 日日係咁, 超難頂!

香港種族歧視事件

今晚個local同事問我攞1樣嘢, 臨講完之時, 正值知M埋嚟, 見我哋2人, 叫我哋講英文! O 曬! 我哋front line係'阿爾蓋達'同'賓'多, 但佢哋可以講鄉下話, 我哋就要講英門. 佢哋勢大, 我哋係少數民族, 唔使咁呀?

P.S. 友人在巴黎生活深受種族歧視之苦, 說港人其實真nice, 不論人種, 能者居之; 港人反被其他人蝦!

阿紮嚟啦!

講咗好耐要提嘅阿紮卒之出場! 呢排唔知攪乜係咁送嘢比我哋, R, B, C都收到佢送嘅香水化妝品版仔, 之前問我鍾唔鍾意paul & joe, 已經reject佢, 噚日送支粉俾我! 好驚啊! 連包裝都好驚, 有佢d指甲裝飾喺盒上面! 收咗唔知會點! 聽日俾返佢!
(p.s. 阿紮係一個由內在到外在都怪嘅人, 常帶俾我哋歡樂嘅氣氛, 但嚟揾我嘅人要小心嚇親, 我表妹係其一)

faRweLL wu's

胡氏一家移民英國, 歡送派對於6月23於爵悅庭會所舉行. 大人小孩各十多人, 熱鬧到爆.
會所宴會廳就似酒店, 代訂的食物亦不錯. 其實嗰晚主要係聚舊+歡送, 好多人好耐冇見, 主人家胡氏四口(阿妹瘦哂), john john(健碩咗), wendy+譚太(仍然咁可愛), 華哥, Hailey, Dereck, 仲有掛到死嘅Pertha+囡囡心心.
一個二個酒鬼, 梗有好多酒la, 紅 白 香檳都有! 幾happy! 最衰第二日返工, 如果唔係跟佢哋上windy屋企再劈過... :(
好開心小朋友收到我d禮物仔開開心心, 但收工趕得滯, 買溜心心的(sOrry). 好耐冇見心心, 已經3歲, 肥嘟嘟, 周圍走, d哥哥仔姐姐仔好錫佢. PeRtha, 有個咁cutie嘅囡囡, 開心d!!!
10點半就俾人勒令清場...我返歸, 佢哋上windy家繼續. 唔知幾時先再見? 祝胡家四口, 幸福快樂, Jason, Janis, 快高長大, 相親相愛.

吓!

一排無見個炒蛋, 鏟skin head返嚟, 好爽喎!
但佢話, 去完跑步返屋企沖涼, 個頭皮好疼,發覺曬傷咗,曬傷個頭!! 我叫佢擦太陽油, 佢話好似擦頭臘未臘頭, 超難頂!! 咦!? 你又知...

haPPy 30something

生日快樂! 謝謝你的一切. 將踏入7年, 但願人長久

rEViews

we haVe moveD to yamatei almOst 2 monthS, eVerythiNG are very nice here, i have mORe time to Gather with friends & famiLy; aLso foR mySeLf.

a very nice birthday this year, honey 'half make' a chocOLate cake for me, that's rEaLLY niCe & waRm. And then v haD a reLax day whiCh i reALLy enJoyed

1 and haLf yeaR is coming very soon, i'm sO eaGeR to have a new job, hope my friendS and i Can geT a joB we want verY sOOn. on the other hand, congratulations to leonard, phoebe, andy, eddie....you guys promoted!

炒車

邊有咁黑咁見工遇着炒車!
今早見工, 雷暴警告。難得遇到的士, 應該可以早到。當車在紅綠燈前等候時,突然砰一聲, 的士衝前, 撞向前面的'賓士', 未扣好安全帶的我撞向前座, 幸無大礙, 原來後面的6A撞過來。'新手'師奶司機, 手足無措。咁鬼黑, 工也不想見！下車後, 定一定神, 電'陳先生'及見工的地方。生平第一次炒車, 嚇親。

驚喜

難得孖假, 好享受。可以見吓朋友同屋企人, 仲有時間hea, 幾時先有5日工作:-(
2日假收穫有, 俾咗自己一個suprise, 係一棵羅漢松。喺花墟閒逛, 好開心啦! 諗住搵盤薄荷什麼的放新居, 點知—見棵嘢, 繞成半個花墟仲覺得靚喎, 咪買囉。做咁多年人, 你又有冇送過衫褲鞋襪電玩以外嘅驚喜俾自己?

給你/你/你:

人生是公平的嗎?

倪匡上電台節目說,人生好難公平,所以好人未必有好報,惡人不一定有惡報。
左丁山引述多年來處理過許多法律文件、商業談判、收購等商業活動的一位律師的話說,「多數係奸人發達,老實人乞食嘅。」
所謂「善有善報,惡有惡報」,似乎並非真理。雖然下面有一句「若然不報,時辰未到」,但時辰甚麼時候才到呢?可能終生不到。
「上帝真的是公平的嗎?」美國—個兒童專欄的主持人庫斯特常被問到這問題。有一天,他去參加一個婚禮,新郎新娘過於緊張,兩人把戒指錯戴到對方的右手上,牧師見到後就笑着說:「右手已經夠完美了,我想你們還是用它來裝扮一下左手吧。」庫斯特頓有所悟,他於是回信給一個質疑上帝是否公平的女孩子:上帝讓右手成右手,就是對右手的最高獎賞; 同樣,上帝成為好孩子,就是對你最高獎賞。這封回信很快被美國、歐洲一千多家報刋轉載,每年兒童節還會被重新刋載一次。
上帝讓好人成為好人,就是對好人最高獎賞。同樣,上帝讓惡人成為惡人,就是對惡人的懲罰。但是,實質的獎賞與懲罰是甚麼?難道「奸人發達」就是懲罰,「老實人乞食」就是獎賞嗎?
「老實人乞食」,如果活得心安理得,活得自然自在,活得「半夜敲門也不驚」,難道不是最高的獎賞?壞人活得心虧,活得不安寧,心中常常縈繞着被自己害死、害慘了的人的陰魂「半夜敲門即心驚」,難道不是對他們的懲罰?
上帝是公平的。人生但求心之所安,何必對「奸人發達」耿耿於懷?其實,在一個法治完整經濟不差的文明社會,老實人也許不易「發達」,但恐怕也不致於「乞食」。讓「奸人發達」去吧,我自擁上帝的獎賞,繼續做「老實人」。
(轉載自蘋果日報 李怡-人生小語)

elva, samantha, kaman, dior & i

7mar2006 coobie b

heLLo....EveRyBOdy

GOod SHoW
Wa...Ha...HA, 一路冇諗住寫bLog, 但好想俾各friEnds知, 所以小女子發揮咗雌性動物天性...."五時花六時變'?! (唔知有冇寫錯字?)
想你地知咩? 今晚同friend睇the pancakes, 估唔到細細粒,人仔不細細, 好似ニ十起碼有五?! 很羡慕人仲可以以非主流人身份在台上'紥紥跳'. 全塲人多, 但"投入音樂中人"不多, 只有少部份異類?!如....我, 在台下又由頭'en'到尾, 但人坐最尾行. 都唔知係'妹'掟以為自已做緊騷. 嗱, 我個friend 先係fans呀. 又以為自已過度活躍, 人哋ss....過份老成, 點知我先係最最最老嗰批!!! 9成幾觀眾8幾年咋,都唔明點解佢哋咁....呆, 我都少睇騷啦, 點解香港冇D氣氛? 唔好話外國正喇, 檢討吓啦蝦?! 阿主音細我DD啫,that means i still young for looking for 人生目標? 唔....希望啦, 努力努力!! 加油加油!!
講番個騷, 歌正, 編曲正, BAND正, 主音各方面如攪氣氛都好,仲有D嘉賓都正, stage呀, lighting呀, 亦正, 音響囉, OK啦, 但細塲嘛....Anyway, thanks all for the good show for us tonight! 攞簽名嘅時候同阿主音講過, 不過好似聽唔到. 你哋嘅努力沒有白費! 期待下次, 下下次, 下下下次....
喂.....知道我係邊個未?