好快正進入第4個月喇 好似好多嘢都未準備o添 :P
喺啱啱嗰個星期三 咁啱就係7月8號 我哋結婚9週年!!!
好開心 8號好好天 自從有咗之後嘅day off都冇試過
呢排身體好返啲 就有好天氣配合 真好
我哋卒之去到游水
正1風和日麗 呢幾日嘅天氣都係咁 : ] 啲人話似L.A. o添
香港好似未點試過炎炎夏日 30幾度有風囉 嗰日去咗自細都冇去個嘅石澳
係幾靚不過勁多人 比長沙多好多人 暑假嘛
當日太陽係好曬 不過可能我哋3點後去 所以我只係輕輕變咗好淺嘅啡
色...
之後又去咗我哋喜愛嘅'嘉咸'晚飯
有小b陪伴嘅紀念日
下年嘅呢1日就喺我哋嘅10週年呢 之前仲諗住要點慶祝
人生又1意外驚喜
估唔到咁值得紀念嘅日子 有咁大嘅禮物喎
由今年起 所有嘅節日同紀念日都加倍值得紀念
另一方面 唔知我哋嚟緊嘅人生又會點變落去呢 唔知我嘅工作仲可以點
而好友天真1號突然好快將會離開天真2號 去更好嘅地方做嘢: 努力!!
到時冇人隨時打牙較 so sad...
沒有留言:
發佈留言