香港の黑暗

今晚正是熄燈1小時 今年比以往幾年都多公司同個別人士參與 有超過1800間公司連大廈 我想多得faCebOok嘅普及 喺佢嘅網站當然有有關宣傳啦 我同我公司都有參與

過咗8點半先到尖咀 大部分嘅大廈燈都熄咗 但今晚就如天氣預測一樣係好大霧 咁之前奢望能返嚟嘅星空當然真係冇啦 所以有啲o野唔係付出就有回報 個天係要唔俾返個澄空你哋就係冇 做o個少少o野又想有啲咩呢

記得細個喺沙田見過滿天星空 好想再見吓 今日報紙話有超過6成人從未喺香港見過滿天星呢 現在觀星勝地只剩下西貢東 大嶼山西南 唔知會唔會等到再見呢日呢