說話了!!

呢幾日 小b說話突飛猛進
(果然喺好似人哋所講 一係唔講一講就講得叻
當然離叻好有距離 只係同佢早前比較而已)

早2晚 電視播著Hitchcock嘅PhyscO
當做到Janet Leigh被殺後
小b突然清晰地話: "死咗囉", 全場靜下10秒
我都認同好友話多數係喺屋企聽得多'死啦'嗰類說話而學嘅
但佢講嘅時間啱啱好 運用得好好 點似撞彩??

我本已唔想俾佢睇驚慄片 而嘗試抱佢 但佢多次掙扎落地
以為佢只係行嚟行去 點知佢原來有留意劇情之餘仲知套戲做緊乜

o尋日屋企人帶佢睇醫生
醫生問大人佢有冇藥物敏感
佢自己話冇!

已經令我堅定要帶"俾我哋所認為識更多嘢嘅佢"返嚟身邊自己教
剛才屋企人喺佢"抹緊地"嘅時候 叫佢聽我電話 佢叫人哋: 唔好嘈! (!!!!!!!!)

(我不要後悔噢....)

RefreSh~

早2日同香港人傾計
無諗到預計來個短敘 不經不覺變成促膝長談
無所不談 確係非常好嘅心靈解藥
朋友對我真係好重要 : )
生命走了3份1吧 又識到個啱台嘅朋友 確一大快事
期間傾到嘅嘢 令我確認方向 仲受到褒獎添
記得多年前好友亦有差不多的話
最開心嘅係佢哋都係啲智慧型嘅人
真係高興 希望我可以不斷增長
而且佢嘅提議居然同我好耐以前嘅諗法不謀而合
好!! 即管試試看 唔試唔知實際情況
希望可以開拓新境界而不用失去太多吧
真的極渴望要啲新嘢

而今晚 看了賈寶玉 撞進心坎是一句:
'赤誠和現實, 永遠是互相抗衡著的兩極'
平衡... 平衡... 是我

現實係現實嘅人多過赤誠
而赤誠的人在世上就像傻子
其實係互相看成傻子
我甘於和一班傻子一齊做個大傻子 XDDD

多年沒看舞台劇 感覺還不錯
舞台 音響
音樂 [很演唱會的感覺 :) 是live嗎? 表現很好啊!!]
舞蹈 服裝[十二金釵的花裙子很飄逸] 視效 各樣也不錯
各演員的表現也非常好
唯音響大聲了點
那些粗口在舞台聽來雖然礙耳 但也切合現代嘛~
大大的經典 就是因為呢啲笑位 令劇情也不悶啦
如果唔係又點繼續讓舞台劇打入年青急速的世代?
還有 旁邊隻公牛一開始就批評!!!! 係一開始囉!!!!
都未睇到啲咩啫 好彩不是一直講一直講
如果唔係就要發脾氣
破壞氣氛!!
而3百多的位置簡直超正 L0L
係上一層第一行的中間啊!!! 睇哂全部嘢!
睇舞台劇 電影 絕對同粗糙肥皂劇不能相比

開心

今日做咗樣傻b但開心嘅事

唔知有冇達到目的呢

天曉得 不過存在希望 : )

buSy 2011

原來對上一次blog有差唔多成年 好耐無諗吓嘢
really another busy busy year

今晚聽久違了的chi chung's
嘉賓提到將會喺下次嘅show同觀眾講吓大家希望嘅小世界
同大世界係咩樣
我嘛 到咁大個人都仲係簡單地希望 (實際不簡單)
我識嘅人都由心地快樂 香港多點寬容 世界回復漂亮

快樂由好多方面組成 享受生命 放開 寬容
就身邊 已有好多人唔放過人 唔放過自己
第一時間就諗人對唔住佢
而我由細到大都相反
多年來講到口水乾都未有結果 仲被認為係該類人
我要唞唞了

輕鬆無聊在天際

第一次去唔識嘅地方cross training啲識嘅嘢

今日8度~~~~~ 唔知聖誕咩天氣呢^^

不過當堂對機場交通瞭解好多

呢個星期收7點 比平時遲點去睇寶貝呢

佢識行 依家成日唔知點解不停周圍行 搞笑

今個禮拜又好busy XDDD

o尋日二人邊爐 今晚好友飲飲 聽晚公司party

然後對住小b 2日

天天節目豐富~

呼吸

不出幾日 又找朋友食飯

最近都不想自己返老爺家食飯 回去只因看寶貝

匆匆充飢 即投入弄兒為樂 昨天什至想奪門而出

好友常說我支持佢哋 反之我十分開心有你哋對我的過譽

聽得多都希望那天快點來臨 亦渴望可好好試試嚮往嘅工作

好友女人想法正確 不過我只想當好日子來時才考慮吧

期望快點看到各好友最美滿那一天和你們最豐盛的時光

飯後好好在家看本書聽聽歌 真沒話說...