我唔係香港人?!

o尋日同好友飲嘢 好耐無試過以前咁咁夜

好彩小b準時瞓覺先可以放心吹水到深夜^^

已經係媽媽 仲係咁 真係自己都頂自己唔順

所以好友們都話我係佢哋身邊唯一結婚生仔後無變不嘅朋友

亦不只一次有外地人話

可能因為咁先有快樂而活在現實嘅我??

不過我鍾意 雖然忙到癲...

一直都享受與家人朋友一齊嘅時光

不過依家當難得同友人一起 嗰種放鬆 享受嘅感覺更深刻

再三四圍向朋友提出

如果將來我迷失於做人阿媽變了記得要提醒我

wiSh me good LuCk...

try my beSt!

And had a niCe taLk with almost soul mate

upgraDing....upGrading....upgrading...

有人話 女人因為夏娃而要受生育之苦

可能係嘅 但事有2面

有人覺得懷孕期間係幸福

而我 覺得係現在

現在嘅我俾以前嘅我更強 更開心

是獨一無異而幸福嘅體驗

好可惜有啲人真係無咁嘅感覺

可惜在無咁嘅命運

不過呢啲都唔係可以預計

咁一世人有咩令男人覺得幸福嘅呢

如果一個人無體會過幸福嘅感覺

會唔會枉為人呢

haha

爭啲miSs咗'他來自非洲'

睇得一次得一次

希望長睇長有 加油 diva!!!

suprise!! amazing life

o尋日磅咗重 你已經 10磅 太好了

你發現自己有口有脷 所以你成日伸脷

有腳 - 成日將2腳互捽

又揩眼又揩面

原來當佢由初頭乜都唔識到佢識呢啲o野嘅時後 係真係幾開心!!

尤其佢對住我笑或者講o野時

囍 33wk - 33!!!!

好耐冇落雨 今日下雨天 空氣亦冷冷的喲

都好耐冇喪食零食 今日買咗堆零食 哈哈

最近呢個月人仔大咗 成日feel到佢郁

以前返工可能佢未夠大又掛住做 唔多感覺到佢郁o架

不過未見過有隻手或者腳凸出嚟 唔知有冇機會呢

話咁快下個月就放產假啦

以後嘅生命都3人行了 生命又向前移動

囍 32wk - 倒數ing及開始!!!

今早知道妹妹生了 下半年嘅第5個bb出世lu :)
7磅幾 幾好0丫
希望一家開開心心
呢個小b女係我哋屋企第1個下1代呢 榮升舅父舅母我哋好:)
今日你特別活躍 由返工到睇MJ 喺咪都好想出嚟睇吓呢 :)
你家姐出咗世lu next month la~

當你話同公司申請咗3個禮拜假陪我 我已經好開心 好似收到禮物咁
其實喺年尾 無論你最後放唔放到咁多 經已好多謝你 你真好

卒之買咗scanner 可以預備清下我啲雜誌 hehe

今晚同朋友睇咗mj嘅'this is it' 我唔係粉絲
但見到咩真係叫工作認真 佢對自己嘅歌 舞 由頭到尾都咁熟識
要執好每1個細節到滿意
我諗香港最top嗰批歌星點都比唔起 咁佢哋憑乜有惡劣嘅待人態度
淨係睇呢個彩排 已經見到完成版好正 尤其係啲畫面同機關
其中1幕結束時有部推土機上台!!! 幾震撼!!!

好可惜 全世界巨星逐漸消失
要唱得睇得都幾難 仲有埋跳得更加難上加難呢

睇戲前同朋友討論到之前告佢嘅LA差館同佢做死因調查
證明佢真係有白蝕 冇成身針孔 身體健康
唔係世界以為嘅妖魔鬼怪
喺死後可以平反 好過冇
只係覺得全世界嘅狗仔隊一樣咁衰
人真係可怕 由古到今 到處都係人言可畏

諗起最近滅火筒新聞令到個女人毀容
個女人好好 報紙冇話過佢哋要賠償 喺依家係好難得
但係諗吓佢從此毀容
以後世人當佢係怪物 而唔會諗吓點解佢會咁 可怕
希望佢以後可以好好生存

喺mj彩排臨尾 mj同啲工作人員講愛講和平講世界
戲院有人輕笑 我諗啲工作人員都會係咁
而呢個世界唔知點解會當好似佢哋咁成日講呢啲嘅人係傻...
不過我仍然希望呢個世界少啲紛爭 多啲好人好事

伸延閱讀: 高慧然＠蘋果日報 工作中的男人

囍 28wk - why U?

初初想帶你來呢個世界 唔係貿貿然嘅動作嚟o架

大b好希望有個你啦

經過9年婚姻生活 我認定大b是個不錯嘅爹哋同伴侶

而爹哋那頭亦是開心 正常 開通嘅大家庭 好等你成長 獨立而快樂

依家你仲會有個家姐添 希望你哋一齊大可以close啲

好似我同你舅父或者表姨咁 : ] 佢係女孩子你要好好錫佢噢

不過最終可唔可以獨立而快樂

係好在乎自己嘅心態 亦唔係一出世就識

希望你好好努力 我哋會同你分享吓o架啦
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
o尋日同10 趁夏天尾去淺水灣曬太陽 L0l LOL

係大咗啲嘅你第1次曬太陽 係咪好熱呢 XD

不過今次因為驚水凍所以冇落水

下次我諗係你正式出世後 到時你自己睇喇~



喺戶外玩吓真係超reLaX 之後仲去咗食甜品

再同你表姨去聽 jazz fest 2009

suCh a wonderfuL holiDay

囍 26wk ii -->>> 好快....

經過大前日嘅開心 唔明點解....噚日會無啦啦極度低潮...連自己都嚇親...不過幸好有你及妳們 我真的認為這就是幸福囉 尤其是你 唔好意思呢 累你擔心兼冇瞓

囍 26wk -->>> 好快 !!!!!

有一排冇寫 不知不覺就過咗6個月!!!

嘩 好快就要見到面啦 呢幾日你又真係好似啲人咁講嘅活躍呀

游水係咪好舒服呢~ XD XD

我都好想趁未凍再去游吓水... 好耐冇同大b去陽光與海灘 希望下個禮拜

阿十仲得閒啦


繼sinki嘅b仔喺2號出世後 (改咗名叫子朗 幾好吖)

steven 同 niCoLe嘅女女23號都出咗世啦 大大件好得意 : )

wiSh you happy, pretty & healthy *v*


呢幾日呢... 係攰攰攰


3次夢見大象 唔知係咪有咩預兆 : )


我食嘢你都幾靜0架喎 好似我哋咁胃食呀 : ]

話時話噚日同同事去咗間之前好有興趣試嘅米芝蓮餐廳食tea

真係又靚好好食呢 約咗大b一齊去lunCh!!! yeah L0l lOl

米芝蓮餐廳

囍 23wk - 給你

呢排連續睇咗啲blog同散文:

1. 醫生話見咗個*****24歲嘅男病人***** 普通傷風感冒
最後病人叫醫生唔好開藥丸 因為吞唔到!!!!!!!!!!!!!
阿醫生唔識反應....話 你咁大個人唔食丸食藥水 啲藥會多到你食到嘔o架喎
然後....

***個陪診嘅阿媽***即刻話: 唔緊要 我幫佢整碎啲藥佢 不嬲都係咁


2. 消防sir話每年新仔入camp都總有1,2個見習主任唔識綁鞋帶....
不過通常操半粒鐘都搞點

(咁點解之前唔識 後尾操半粒鐘就識呀)


3. 大學教授話 好鍾意去咗清華教 因為啲學生好早堂都到晒
唔似香港咁 冇教授鍾意教早架 得3成人準時

...............................................................................

我同大b同埋啲friend話 如果你食藥俾粒丸黐實喉嚨會點? 會勁俾水你沖走佢囉
仲點解咁大個人食唔到藥唔自己整碎啲藥呀???????
我仲一定會叫你去玩 少年紀律部隊 我都玩過啦 幾好玩 仲愛上行山添 識人又多啲
好似教授同作者話齋 呢一代淨識話世界艱難 但唔做啲o野增值自己又唔抵得諗 咁點呀

...............................................................................

早排同朋友玩占卜 見佢幾準 忍唔住問咗個關於我的生命之謎
都幾似我吖 仲同畢嬲八八埋埋啲星座生肖好match添 so funny!!

抽筋 抽筋 再抽筋 : [

星奇姨姨生咗bb啦 大你幾個月呢 一樣係仔可以有個伴一齊大呢
星奇姨姨有咗bb好開心 幾好: )
我哋有咗你都好開心o架

囍 20wk...20 20 20 20 20 20 20 20 20 20 20 20 20

wow! it's 20 weeKs tODay!

不經不覺 咁就5個月啦 旅程過咗一半

相信好快就到新開始 時間飛快

最近要諗諗小b出世後嘅安排

唔同不嬲預咗安排 不過都ok啦

都話咗凡事都有出路o架啦

依家有幾度光喺出口添

好多謝各位朋友同大b e.g. 10 brought me LuCk la : ]

囍 19wk "愉快準備中"

小b,

今晚係星奇姨姨同wing姨姨做o野嘅公司新餐廳開張前內部試餐
見過了你初見嘅wing姨姨 我都好耐冇見wing姨姨了
係非常好食又愉快嘅一餐 仲唔駛錢添 : )
worth to go again even pay~
呢次係我第2次食呢啲內部試餐
上次o個間名店就唔多得 今次真係Very niCE


o尋日俾個黃綠醫生搞到今日一場虛驚
白白浪費咗我今日3個鐘頭
不過又一次證明我哋都好叻 健健康康邁向5個月
加油噢


希望身邊咁多位準爸爸媽媽朋友們
都可以用開心快樂嘅心情迎接你哋嘅天使
對媽媽同未出世嘅小b都好好o架
呢2個blogs我好耐以前不嬲都睇開 對有小朋友嘅家長有正面作用呢 人都開心啲:
mamimama - http://hk.myblog.yahoo.com/mami-mama
&
一個好FAMA - http://hk.myblog.yahoo.com/tensonleung


早2日去咗bb展 是我哋第一次為你買日用品
展場有2個hall 但俾人休息嘅凳數埋都唔知有冇10張 很過份o耶
全場都係大肚婆或者媽咪 很攰啊 未行完都攰到抽筋哪


上個禮拜我同家文姐姐喺SUPER大風大雨中慶祝生日
去咗大b同波叔叔做o野間餐廳食飯
咁就初見波叔叔喇 波叔叔係大b嘅beSt buddies
下年係佢嘅biG day 到時你都未做到花仔噢~


好高興大b都節儉了 一路落去 希望將來有安穩 甚至更好嘅日子

囍 17wk : 呢個世界

呢個禮拜 同你經歷過啲乜??

有你再次聽呢個世界嘅大雨聲

預見過表姨 同我2個好朋友

仲同啤梨姐姐食咗餐飯 2個女子食咗3個甜品囉

你爹一早話我教壞晒 你會好胃食 梗係啦 2個嘅因子都咁胃食


今日飯後去咗間舖頭 個老闆娘好識sell
佢一啲都唔hard sell 喺依家 服務態度好好又令人舒服嘅
我同朋友都覺得佢又係現在難得有heart嘅舖
正好對返擒日同另一朋友討論
依家香港好多嘢都冇晒heart 根本係有人知嘅
只不過可能大部份人都係人哋話乜 佢哋就話乜
先令o個啲初頭有heart但已經唔得嘅地方 都仲俾人話得之嘛
要保持質素都好重要同困難
要留意彈起之後唔會因貪心 過度擴張 而引致失敗
希望呢個朋友真係可以 經過多年深思熟慮 排除萬難
整間佢要嘅有heart workshop出嚟
真的希望你嘅嘢有多啲人欣賞 叫好叫座
把握發揮 我好恨有 又唔係人有你有嘅 長處


而希望小小嘅你 搵到你嘅人生意義 enjOy yoUr life

而意義係冇大小嘅


p.s. Dr. said you're doing good

it's proud of you

gOod~

囍 16wk ii << stepping to 17th!! >>

好友回來 今晚精神不錯

一齊食飯 行街 自從飯腳好友搬走加埋有咗後 好耐冇行街

買咗件同埋見到幾件不錯嘅衫 完全挑起我嘅購買慾 : ]

中途見到件好型嘅銅戒指 嘩 如果小b係仔 俾佢做禮物就型爆 L0L

係第一件想送俾佢嘅禮物

不過糧尾 都係收吓手先 所以淨買一件 幾勁

食飯時天南地北 非常愉快

朋友講嘅優點 好開心 我會好好記住 不過一直覺得真的過譽了

囍 16wk <<梁繼璋給兒子的備忘錄>>

我兒：寫這備忘錄給你，基於三個原因：

（一）人生福禍無常，誰也不知可以活多久，有些事情還是早一點說好。
（二）我是你的父親，我不跟你說，沒有人會跟你說。
（三）這備忘錄里記載的，都是我經過慘痛失敗得回來的體驗，可以為你的成長省回不少冤枉路。

以下，便是你在人生中要好好記住的事：

（一）對你不好的人，你不要太介懷，在你一生中，沒有人有義務要對你好，除了我和你媽媽。至於那些對你好的人，你除了要珍惜、感恩外，也請多防備一點，因為，每個人做每件事，總有一個原因，他對你好，未必真的是因為喜歡你，請你必須搞清楚，而不必太快將對方看作真朋友。

（二）沒有人是不可代替，沒有東西是必須擁有。看透了這一點， 將來你身邊的人不再要你，或許失去了世間上最愛的一切時，也應該明白，這並不是甚麼大不了的事。

（三）生命是短暫的，今日你還在浪費著生命，明日會發覺生命已遠離你了。因此，愈早珍惜生命，你享受生命的日子也愈多，與其盼望長壽，倒不如早點享受。

（四）世界上並沒有最愛這回事，愛情只是一種霎時的感覺，而這感覺絕對會隨時日、心境而改變。如果你的所謂最愛離開你，請耐心地等候一下，讓時日慢慢沖洗，讓心靈慢慢沉澱，你的苦就會慢慢淡化。不要過分憧憬愛情的美，不要過分誇大失戀的悲。

（五）雖然，很多成功人士都沒有受過很多教育，但並不等如不用功讀書，就一定可以成功。你學到的知識，就是你擁有的武器。人，可以白手興家，但不可以手無寸鐵，緊記！

（六）我不會要求你供養我下半輩子，同樣地我也不會供養你的下半輩子，當你長大到可以獨立的時候，我的責任已經完結。以後，你要坐巴士還是Benz，吃魚翅還是粉絲，都要自己負責。

（七）你可以要求自己守信，但不能要求別人守信，你可以要求自己對人好，但不能期待人家對你好。你怎樣對人，並不代表人家就會怎樣對你，如果看不透這一點，你只會徒添不必要的煩惱。

（八）我買了十多二十年六合彩，還是一窮二白，連三獎也沒有中，這證明人要發達，還是要努力工作才可以，世界上並沒有免費午餐。

（九）親人只有一次的緣份，無論這輩子我和你會相處多久，也請好好珍惜共聚的時光，下輩子，無論愛與不愛，都不會再見。

你的爸爸梁繼璋

囍 15wk & 9 yeaRs

好快正進入第4個月喇 好似好多嘢都未準備o添 :P

喺啱啱嗰個星期三 咁啱就係7月8號 我哋結婚9週年!!!

好開心 8號好好天 自從有咗之後嘅day off都冇試過

呢排身體好返啲 就有好天氣配合 真好

我哋卒之去到游水

正1風和日麗 呢幾日嘅天氣都係咁 : ] 啲人話似L.A. o添

香港好似未點試過炎炎夏日 30幾度有風囉 嗰日去咗自細都冇去個嘅石澳

係幾靚不過勁多人 比長沙多好多人 暑假嘛

當日太陽係好曬 不過可能我哋3點後去 所以我只係輕輕變咗好淺嘅啡

色...

之後又去咗我哋喜愛嘅'嘉咸'晚飯

有小b陪伴嘅紀念日

下年嘅呢1日就喺我哋嘅10週年呢 之前仲諗住要點慶祝

人生又1意外驚喜

估唔到咁值得紀念嘅日子 有咁大嘅禮物喎

由今年起 所有嘅節日同紀念日都加倍值得紀念

另一方面 唔知我哋嚟緊嘅人生又會點變落去呢 唔知我嘅工作仲可以點

而好友天真1號突然好快將會離開天真2號 去更好嘅地方做嘢: 努力!!

到時冇人隨時打牙較 so sad...

囍 14wk : 多謝晒

哈哈 呢排掛住上網玩 成日冇upDate : ]

好開心呢排身體正常返

瞓覺好返啲 只不過胃口始終比以前細啲啲

再希望可以連胃口都好返 等佢健健康康

多謝好多朋友

你哋知道後係超開心 好似你哋有咗咁囉 超搞笑

多謝你 一直以嚟嘅愛護

依家就更加緊張細心添: ) 辛苦哂你要做多啲家務喇

由7月開始到年尾 我識嘅人有7個人生bb呢!!!!

7月, 9月, 12月都有2個 10月有1個 好犀利呢

而第1個就喺7月1號生咗啦

恭喜哂阿咖哩陳伉儷

希望小朋友 聽聽話話 快高長大

囍 12wk >>> 過一關

終於過咗第一關喇

呢幾個月嚟唔同得人講 硬係有啲o野喺心 唔多舒服

今日正正喺放完大假第一日返工

已經係連續第三個禮拜嘅假期 落雨或陰天!!!!!

今次放足8日都係咁!!! 臨Last一日先好天... 成個假期都冇得出去行吓

佢話咁仲好: ( 呢個時候要抖吓 如果好天冇得出去我就仲唔開心喎

希望可以快啲去曬太陽同游水 : ]

囍 11wk の歌 - 人間 と初の見 : ]

早兩日同舊同事特別版唱K

很久冇見嘅erica同好耐冇蒲頭嘅peggy都有出現 好開心

唱歌夠氣咗 唔通因為打孖上??

一直以嚟 o個啲知道嘅朋友都替我哋好興奮呢

有人仲話更加強佢想要嘅想法o添
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

人 間 ~ 王 菲

風 雨 過 後 不 一 定 有 美 好 的 天 空
不 是 天 晴 就 會 有 彩 虹
所 以 你 一 臉 無 辜 不 代 表 你 懵 懂

不 是 所 有 感 情 都 會 有 始 有 終
孤 獨 盡 頭 不 一 定 惶 恐
可 生 命 總 免 不 了 最 初 的 一 陣 痛

但 願 你 的 眼 睛 只 看 得 到 笑 容
但 願 你 流 下 每 一 滴 淚 都 讓 人 感 動
但 願 你 以 後 每 一 個 夢 不 會 一 場 空

天 上 人 間 如 果 真 值 得 歌 頌
也 是 因 為 有 你 才 會 變 得 鬧 哄 哄
天 大 地 大 世 界 比 你 想 像 中 矇 矓
我 不 忍 心 再 欺 哄 但 願 你 聽 得 懂

但 願 你 會 懂 該 何 去 何 從
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

做test時先知有得照ultra sound

好活躍啊!! 仲影埋相添呀!!

我哋就係咁surpRise地同佢第一次見面喇

而不嬲好地地嘅身體產生變化--

西醫話我有0.4度貧血+血糖踩界 下次覆診前驗血糖

仲因為體內賀爾蒙轉變令我有時血壓低 好多o野要注意呀!!!

返工都無事無幹 放假就又暈又盛 街都冇得去 '____'

喺佢生日前一日要入廠 佢話早啲俾siGnaL我哋要注意啲咩仲好喎...

喺廠1晚仲俾個日頭瞓嘅阿婆搞到冇得瞓!!!!!!

而佢就明明醫生同佢講咗都仲係超擔心 成晚瞓唔到 仲...

好彩喺o個個時候 好兄弟出現 陪佢一陣

佢話係差唔多10年冇同兄弟一齊過生日

timing真奇怪

喺佢想搵人傾嘅時候有人自動蒲頭 平時收工都冇啲咁嘅o野

對唔住啊

我哋好幸福呢

狀態唔好 佢點都唔俾出去慶生 佢話已經有最好嘅禮物

唯有取消mo預定咗嘅buffet 我哋不嬲唔食buffet都想去試o架嘛

只係落咗樓下食海鮮....

等新生活開始先一齊去擦餐勁喎 @_@